Një ngjarje e rëndë ka ndodhur dy netë më parë në ambientet e një hoteli në kryeqytet, ku një 34-vjeçare është hedhur nga kati i 12-të. Policia e Tiranës pak minuta më parë ka publikuar një informacion zyrtar.
Nga këqyrja paraprake e pamjeve filmike, mësohet se trupi i pajetë i përkiste 34-vjeçares G.V., banuese në Tiranë. Mësohet se ngjarja e rëndë ka ndodhur në kushte të rënduara psikologjike të viktimës e cila u vetë hodh nga kati i 12-të i shkallëve të emergjencës së hotelit, dhe për pasojë ndërroi jetë.
Njoftimi i Policisë
Tiranë
Në lidhje me ngjarjen, ku më datë 14.11.2019, u gjet një shtetase e pajetë në shkallët e emergjencës së një hoteli në Tiranë, nga veprimet të kryera nga grupi hetimor si dhe kqyrja e pamjeve filmike rezultoi se:
Trupi i pajetë i përkiste shtetases G. V.,34 vjeçe, banuese në Tiranë, e cila vuante nga probleme të shëndetit mendor, ku në kushte të rënduara psikologjike është vetëhedhur nga kati i 12-të i shkallëve të emergjencës të hotelit, për pasojë ka ndërruar jetë.
Materialet u referuan në Prokurori për veprime të mëtejshme.
