Francezi Patrick Viera, u shpreh i gatshëm të drejtojë skuadrën e Arsenalit në rast se ia ofrojnë këtë detyrë.
Në një deklaratë të dhënë për “France Football”, trajneri 43 vjeçar i cili aktualisht drejton Nicën në “Ligue 1”, u shpreh se nuk i trembet kësaj sfide, pasi tek Arsenali është një legjendë.
Ish-mesfushori, Viera, ka luajtur me “topçinjtë” për 9 sezone (1992-2005), duke fituar 3 “Premier League”, 3 “Fa Cup” si dhe 3 “Fa Community Shield”.
“Kam mësuar shumë kohët e fundit, duke drejtuar disa ekipe në Amerikë dhe Francë. Gjithsesi, mendoj se shkarkimi i Emery është ende larg, por unë jam gati nëse më ofrohet një detyrë e tillë”.
“Kam qenë në klub edhe më parë, aty ku kam kaluar shumicën e karrierës time. Fakti që kam punuar me Wenger tek Arsenali më ka ndihmuar shumë të njoh edhe më mirë këtë ekip”.
“Githsesi unë jam fokusuar tek puna si trajner i Nices”, përfundoi Viera.
