Barcelona, në përpjekje për të marrë sulmuesin brazilian Gabigol është e gatshme që të ofrojë për klubin Santos 20 milionë euro.
20-vjecari konsiderohet si talent i futbollit brazilian e për të janë të interesuar edhe Inter e Juventus. Duke folur për këtë ofertë të katalanasve, gazeta ‘Marca’ shkruante se ekipi kampion i Spanjës kërkon që të ketë në dispozicion të trajnerit Luis Enrique një sulmues të katërt, të fortë e me perspektivë, që të jetë në krah te Messi, Suarez e Neymar.
Gjatë ditëve të kaluara, shkruante gazeta, Barca ka autorizuar Robert Fernandez e Raul Sanllehí që të merren me tratativat për këtë transfertë, duke u nisur edhe nga marrëdhëniet e mira që kanë drejtuesit e klubit katalan me klubin e Santos pas transfertës së Neymar të kryer në 2013.
