Shtatë klandestinë sirianë janë ndaluar nga policia në Dibër. Sipas informacioneve paraprake ato kanë hyrë ilegalisht në Shqipëri dhe do të kalonin drejt Maqedonisë fillimisht e më pas drejt vendeve të BE-së.
Ata u kapën në Pikën e Kalimit Kufitar Bllatë. Sirianët janë shoqëruar në Qendrën e Rehabilitimit në Kukës, ndërkohë policia vijon hetimet për identifikimin dhe arrestimin e personit që i ka sjellë në Dibër, me synimin për ti kaluar drejt Maqedonisë nëpërmjet fitimit.
Njoftimi i Policisë
Dibër
Bashkëpunimi me qytetarët parandalon një rast të kontrabandimit të klandestinëve nga vendet e Lindjes së Mesme.
Policia e Dibrës, pas informacionit të marë nga qytetarët për disa shtetas të huaj që po tentonin të largoheshin në drejtim të Pikës së Kalimit Kufitar Bllatë, për të kaluar kufirin në mënyrë të paligjshme, ka organizuar punën duke bërë lokalizimin dhe vendndodhjen e tyre.
Policia ka bërë shoqërimin e 7 shtetasve sirianë, të cilët dyshohet se kishin hyrë ilegalisht në Shqipëri, me qëllim për të kaluar në drejtim të Maqedonisë dhe më pas në një nga vendet e BE-së.
Shtetasit sirianë janë shoqëruar në Qendrën e Rehabilitimit në Kukës, ndërkohë që Policia vijon hetimet për identifikimin dhe arrestimin e personit që i ka sjellë në Dibër dhe që do t’i transportonte në drejtim të kufirit me Maqedoninë, kundrejt fitimit.
