Ish-deputeti i PD-së, Luçiano Boçi ka ironizuar me veprimin e Arta Vorpsit e cila është betuar sot te noteri si anëtare e Gjykatës Kushtetuese.
Në një postim në Facebook, Boçi thotë se betimi i Vorpsit ishte si synetlliqet e dikurshme që i bënte berberi.
“Sipas Ulsi Manjës e Ramës tani martesat nuk celebrohen më as në Bashki e as në Kishë.
Ato i celebron tani Noterja bashkë me betimet kuptohet…
Pak a shumë si synetlliqet e dikurshme që i bënin berberët.
Çmimi ende nuk ka dalë në Fletoren Zyrtare”, shkruan ish-deputeti.
Kujtojmë se Parlamenti votoi Arta Vorpsin si një nga anëtaret e Gjykatës Kushtetuese, e cila sot u betua te noteri, sepse kreu i shtetit Ilir Meta e kishte paralajmëruar se nuk do ta thërriste për betim.
