Nënkryetari i LSI-së, Luan Rama ka reaguar lidhur me veprimin e Arta Vorpsit e cila është betuar sot te noteri si anëtare e Gjykatës Kushtetuese.
Nëpërmjet një postimi në rrjetin social Facebook, shkruan se: “Kuvendi i marrëzive kushtetuese, na dha mundësinë të mësojmë se paska edhe marrëzi të noterizuar! Tani e kanë rradhën ndërkombëtarët që të kuptojmë se deri ku mbërrin marrëzia!”
Kujtojmë se Parlamenti votoi Arta Vorpsin si një nga anëtaret e Gjykatës Kushtetuese, e cila sot u betua te noteri, sepse kreu i shtetit Ilir Meta e kishte paralajmëruar se nuk do ta thërriste për betim.
Postimi i plotë:
Marrëzi e noterizuar!
Kuvendi i marrëzive kushtetuese, na dha mundësinë të mësojmë se paska edhe marrëzi të noterizuar!
Tani e kanë rradhën ndërkombëtarët që të kuptojmë se deri ku mbërrin marrëzia!
Vetëm duhet të dimë që psikoanaliza është një terapi kundër injorancës.
Ajo nuk ka asnjë efekt mbi marrëzinë.
