Gjatë konferencës, Presidenti Ilir Meta është pyetur nga gazetarët nëse do të ketë zgjedhje të pjesshme dhe se kur ai do të vendos për shpërndarjen e parlamentit. Por në të gjitha rastet, Meta i është shmangur përgjigjes.
Sot Shkodra dhe Vora janë pa kryebashkiak. A do caktoni datë për zgjedhje të pjesshme?
“Unë sot isha këtu për të treguar se nuk ka rëndësi më shumë sesa krijimi i Gjykatës Kushtetuese në Shqipëri. Unë kam ndërmarrë veprime të shumta për të ndërtuar një KED të rregullt. Kjo është një situatë në kohën kur Shqipëria mbeti në 18 tetor dhe kur Bundestagu e ka bërë të qartë që duhet të ngrihet GJ.K. Ndërkombëtarët nuk paguajnë që të kapet sistemi i drejtësisë në vend”.
Nuk ka qenë e mundur gjetja e një zgjidhje mes institucioneve?
“Jemi munduar të mos kemi pasur një situatë të tillë. Por nga ana jonë ka pasur përpjekje parandaluese. Por dikush tjetër e ka pasur këtë qëllim. Kjo është shkelje serioze e Kushtetutës. Por ata na kanë prishur punë edhe ne. Presidenti është i qartë për të gjitha veprimet e tij. Është i përgjegjshëm dhe në atë lartësi që e ka detyruar vendosja e dorës mbi Kushtetutën e Shqipërisë. Nëse kapet Gjykata Kushtetuese politikisht, atherë humbet çdo mundësi që t’u garantohet e drejta qytetarëve shqiptarë”.
Kur do të kemi zgjedhje?
“Kemi çështje më të rëndësishme. Ndërtimin e Gjykatës Kushtetuese”.
Kur do e shpërndajë Presidenti i republikës Parlamentin?
“E di që kjo është një kërkesë e vazhdueshme. Por Presidenti do të sillet me përgjegjshmërinë maksimale”.
