Kreu i PD në Lushnjë ka reaguar ndaj një postimi në rrjetet sociale të kryeministrit Rama se qeveria socialiste ka ndërtuar një unazë në Myzeqe prej 16 km rrugë.
“Pashë një postim të Kryeministrit që kjo qeveri paska bërë një unazë në Myzeqe prej 16 km rrugë… Së pari, nuk e di sesi quhen Unazë, tre segmente të ndryshme që në fakt kanë formë T-je”, reagon Myslim Murri, kryetar i PD-së në Lushnje.
Në një shënim të tijin, Murrizi denoncon një tjetër fakt ku thotë:
“Segmenti i parë, z Kryeministër, eshte nga rrotondo e Grabianit deri ne Tre Urat, 4.3 km, qe ka qene rruge e asfaltuar por eshte bere vetem nje meter zgjerim.
Segmenti i dyte eshte Tre Urat – Germej Çok, prej 6.7 km, qe ka mbaruar para 3 muajsh dhe nje segment tjeter, Çerme Sektor – Tre Urat, prej 5.5 km ka qene rruge çakulli dhe eshte asfaltuar.
Te gjitha keto tre segmente jane ndertuar nga firma Alba Konstruktion me vleren 2.1 miliarde leke te vjetra. Ishte po kjo firme qe hyri ne tender per 14 km te tjera me vlere 2.2 milion euro, por ju ja dhate nje tjetri me 3.2 milion euro se ishte me afer me ju.
Per 3 vjet ke ndertuar vetem dy segmente e gjysëm dhe menjehere ne propagande.
Unaza jane ndertuar gjate qeverisjes se PD, – thekson Murrizi, – qe lidhin banoret e Myzeqes nga klubi i shoferit ne Divjake dhe nga klubi i shoferit ne Fiershegan , nga Lushnja ne Hyzgjokaj, nga Fiershegani ne Belsh pra mbi 100 km rruge neper fshatra pa permendur rruge neper fshatra te ndryshem , se rruget nacionale nuk ka nevoje t’i permend une.”
Ky reagim i kreu demokrat të Lushnjes erdhi pas publikimit në Fb nga Rama, të fotografive të tre segmenteve rrugore të asfaltuara me shënimin: “Rilindja Urbane në Myzeqe, Unaza Bujqësore 16 km që lidh një zonë të gjerë prodhuese me autostradën Rrogozhinë – Lushnje.”
