David Villa, golashënuesi më i mirë i Spanjës, ka deklaruar që do të tërhiqet nga futbolli i luajtur, kur kontrata e tij me Vissel Kobe të skadojë në fundin e këtij viti.
Ish-lojtari i Valencia, Barcelona dhe Atletico Madrid, 38 vjeç, lë pas një karrierë futbollistike plot me trofe, rekorde e golash të shënuar.
Karrierën e tij ai e filloi te CD Tuilla, më pas kaloi te Sporting Gijon, dhe famën e mori kur luajti për Real Zaragozën, ku ra në sy të Valencias, aty ku u bë një nga sulmuesit më të mirë në botë.
Gjithsesi suksesin më të madh në karrierë ai e pati tek ekipi i Barcelonës, ku fitoi 2 herë LA Ligën (2010-2011,2012-2013), dhe 1 herë Ligën e Kampioneve (2010-2011).
Në nivel ndërkombëtar, Villa fitoi Kampionatin Europian në vitin 2008 dhe Kupën e Botës në vitin 2010 me Spanjën.
