Ivan Rakitiç ka folur për mungesën minutave të luajtura këtë sezon.
Sezonin e kaluar, Rakitiç, ishte titullar në formacionin e Ernesto Valverdes, por këtë vit e ka të vështirë, të gjejë minutat e duhura pas ardhjes së Frenkie de Jong.
Në një intervistë për programin “Universo Valdano”, i drejtuar nga ish-lojtari i Real Madrid, Jorge Valdano, Rakitiç deklaron:
“Kohën e shijoj vetëm duke luajtur futboll. E them gjithmonë . Si ndihet vajza ime e vogël kur i marrin lodrat? Ajo ndihet e trishtuar, kështu ndihem dhe unë. Ma morën topin. Ndihem i trishtuar”.
“Më pëlqen t’i shfaq ndjenjat. Kur është koha për të qarë, nuk ka problem. Kur është koha për të festuar, jam i pari që festoj”.
“E kuptoj dhe respektoj vendimet e një trajneri të një klubi futbolli, por çfarë është e vërteta është se kam dhënë shumë në 5 vitet e mia këtu, dhe dua akoma të ndihmoj.”
“Kjo është më e rëndësishmja për mua, ndihesh mirë vetëm kur luan. Unë jam 31 vjeç, jo 38. Ndihem se jam në kulmin tim”. – shton më tej mesfushori kroat.
