Një aksident i rëndë ka ndodhur rreth orës 07:50 në Greqi, ku ka humbur jetën një shtetas shqiptar.
Mediat fqinje raportojnë se 44-vjeçari nga Shqipëria punonte si shofer me një makinë funerali dhe transportonte trupin e pajetë të një gruaje.
Aksidenti ndodhi në aksin Antirio-Janinë, kur automjeti humbi kontrollin dhe doli nga rruga. Për pasojë humbi jetën shoferi shqiptar, që drejtonte makinën e funeralit.
Në vendngjarje mbërriti menjëherë ambulanca për t’i dhënë ndihmën e shpejtë, por fatkeqësisht 44-vjeçari nuk mundi të mbijetonte.
