Ka nisur seanca e sotme plenare ku në rend të ditës është një pikë mjaft e nxehtë: Votimi për anëtarët e rinj të Gjykatës Kushtetuese. Zgjedhja e gjyqtarëve ka hapur një front të ri beteje mes Presidentit dhe Qeverisë.
Meta u ka dërguar një mesazh deputetëve ku u kërkon të votojnë vetëm 1 anëtar të Kushtetueses, ndërsa Taulant Balla është shprehur se sot do votohen 2 anëtare të Kushtetueses.
Sakaq, fotografët që ndodhen në sallën e parlamentin kanë kapur momente kur kreu i i grupit të PS, Balla lëviz sa në një tavolinë në tjetrën. Ai shihet teksa konsultohet me kreun e komisionit të ligjeve Ulsi Manja, deputetin Alket Hyseni, si dhe Vasilika Hysin.
Pas kësaj bisede Balla ka kaluar në kampin e opozitës së re dhe është parë duke biseduar me deputetin Alimadhi dhe përfaqësues të tjerë të opozitës. Kujtojmë se votimi për anëtarin e Kushtetueses kërkon shumicë me 3/5 e votave. Seanca po vijon me diskutime dhe më pas do kryhet votimi.
