Skuadra e Parmës, ku luan mbrojtësi i kombëtares, Kastriot Dermaku, fitoi ditën e djeshme ndaj Romës me rezultatin 2-0.
Mbrojtësi shtatlartë, ishte protagonist dhe u evidentua si një nga më të mirët në fushë. Në përfundim të ndeshjes mbrojtësi shqiptar bëri analizën e tij të ndeshjes. duke thënë:
“Na mungonte një fitore kështu. Me Fiorentinën nuk ia dolëm mbanë të finalizonim dhe nëse nuk e bën, pastaj ndëshkohesh. Kjo ishte një kapërcim cilësie shumë i rëndësishëm, të jep gjithmonë kënaqësi kur fiton ndaj të mëdhenjve”.
“Jemi një grup i madh dhe kjo është e rëndësishme për një skuadër që duhet të shpëtojë. Ka ende shumë pikë në dispozicion dhe Seria A, është shumë e vështirë”.
“Objektivi ynë është qëndrimi në Seria A, duhet të grumbullojmë sa më shumë pikë, për të qenë më të qetë në fazat e fundit të kampionatit”, – deklaroi Dermaku për mediat italiane.