Tenton të grabisë të moshuarin, 48 vjeçari ushtron dhunë ndaj policit që shkoi ta arrestojë

Pasi ka tentuar të grabisë një të moshuar, një 48 – vjeçar ka ushtruar dhunë edhe ndaj një punonjësi policie i cili ka shkuar për ta arrestuar.

Kjo ngjarje e pazakontë ka ndodhur në Fier. Policia më pas ka arrestuar shtetasin Astrit Lika, 48 vjeç, banues në lagjen “Konferenca e Pezës” në Fier.

Arrestimi i këtij shtetasi u bë pasi në lagjen “Kryengritja e Permetit” i ka marrë me force një çantë plastike nga dora, dhe ka tentuar t’i marrë një sasi lekësh në xhep shtetasit A.H, 65 vjeç, banues në lagjen “Liri Gero” Fier. Gjatë të shoqërimit ka kundërshtuar duke ushtruar dhunë ndaj punonjësit të policisë.