Ditën e sotme, në stadiumin mitik, “Anfield”, në orën 17:30 do të zhvillohet ndeshja e shumë pritur midis Liverpoolit dhe Manchester City.
Në përpalljen e kësaj sfide të besuarit e Jurgen Klopp vijnë me gjashtë pikë avantazh ndaj rivalëve të City-t, por nuk do të bëjnë kompromis për asgjë, duke kujtuar që sezonin e kaluar ishin plot 7 pikë përpara dhe nuk arritën të triumfojnë në fund.
Ndërsa nga ana e tjetër një humbje për skuadrën e Guardiolës, do të ishte vetëvrasëse për shanset për titull, kështu që ekipit të Guardiolas edhe pse i nevojitet shumë fitorja në këtë ndeshje, duhet të bëjë llogaritë mirë në prapavijë.
Kjo përballje shihet edhe si dueli i trajnerëve, midis Klopp dhe Guardiolës, të cilët kohët e fundit kanë pasur disa fërkime me njëri-tjetrin, për shkak të konkurrencës së lartë midis dy ekipeve.
Ndërkohë në mediat angleze, qarkullon dhe formacionet e mundshme me të cilat dy skuadrat mund ta nisin ndeshjen.
