Kylie Jenner është përfolur javët e fundit se ka nisur një lidhje të re dashurie me Drake.
Thashethemet nisën që pas ditëlindjes së reperit, aty ku dyshja shfaqi edhe afrimitetet e para.
Këto lajme Kylie i quajti të ekzagjeruara dhe shtoi se momentalisht ka dëshirë të përkushtohet vetëm tek karriera dhe vogëlushja Stormi.
Megjithatë Kylie mund t’i mohojë sa të dojë fjalët, por nuk mund të bindë dot njerëzit të mendojnë se lidhja nuk është e vërtetë.
Një muaj pas ndarjes së Kylie Jenner nga Travis Scott, “People” raporton se ajo dhe Drake mund të jenë bashkë. Dyshja ka kaluar më shumë kohë se zakonisht me njëri-tjetrin. “Drake dhe Kylie kanë dalë shpesh bashkë këto kohë. Drake është mik i vjetër i familjes dhe i njeh prej shumë vitesh,” tha një burim.
Një tjetër burim tha po për “People” se ata nuk janë thjesht miq, por po takohen si në mënyrë romantike.
