Moderatorja e njohur Brunilda Lahe është në pritje të ëmbël dhe shumë shpejt do të bëhet nënë për herë të parë me një vajzë. Këtë të mërkurë ajo ishte e ftuar në emisionin ‘Soiree’ në Top Channel nga Jonida Shehu, dhe ka folur për ndjesitë që i ka dhuruar shtatzënia, si po e përjeton e shumë të tjera.
Gjatë mbrëmjes u zhvillua dhe një festë për vogëlushen që do të vijë në jetë. Mikeshat e saj të zemrës në bashkëpunim me stafin e ‘Soiree’ i organizuan moderatores një ‘Baby Shower’ surprizë. Të pranishëm ishin dhe motra e saj, kolegët e punës etj. Ajo ka ngelur e habitur pasi nuk ia priste mendja që festën e bebit ta realizonte në një emision.
Brunilda është prekur shumë nga surpriza dhe sidomos kur në studio ka ardhur shoqja e saj e ngushtë, Nertila Fisheku. Sapo moderatorja e ka parë, nuk i ka ndalur dot lotët.
Moderatorja ka ndarë disa foto për ndjekësit në Instagram nga ky moment ku shkruan: “Nje feste #babyshower surprize ne nje studio televizive. Soiree në Top Channel Emocionet me te medha qe kam perjetuar ndonjehere ne nje bisede televizive. Kam qene e skuqur deri tek veshet nga sikleti Jonida Shehu ! Bekimi me i madh i ketyre viteve ne televizion kane qene njerezit e shtrenjte qe kam fituar ne jete. Asnje arritje e sukses profesional nuk krahasohet me kete! Vajza ju dua shume!”
