Pep Guardiola pranon që frika që e kapi skuadrën, pas kartonit të kuq të Claudio Bravo’s dhe “katër pikët në dy ndeshje ndaj Atalantës, është një rezultat i mrekullueshëm” për Manchester City.
Në këtë ndeshje portieri kryesor i City-t, Ederson, u dëmtua duke u zëvendësuar nga Claudio Bravo, por në minutën e 81-të, ai mori kartonin e kuq dhe në mungesë të një portieri tjetër nga ana e Manchester City, Kyle Walker mori dorezat e portierit.
Për këtë ngjarje Guardiola tha për “Sky Sport Italia”:
“Është hera e parë për mua me tre portierë në një ndeshje,”
“Më kapi pak frika kur erdhi kartoni i kuq , pasi kishim shumë lojtarë sulmues dhe balanca në mbrojtje ishte e dobët, kështu që përgatitesh për më të keqen”.
“Unë e di se Atalanta është shumë agresive dhe kemi bërë gabime të pakta, por kemi paguar për to. Italianët e dinë se për çfarë janë të aftë Atalanta, kështu që unë me të vërtetë jam i kënaqur që arritëm të merrnim vetëm një goditje në kuadrat pasi Walker u fut në portë. Ky është një rezultat me të vërtetë i mirë për ne. – përfundoi ai për “Sky Sport Italia”.
