Këngëtarja e njohur dhe shumë e dashur për publikun, Eneda Tarifa ndodhej mbrëmjen e djeshme në studion e Flori Mumajesit, ku po punon për këngën e saj të re me të cilën do konkurrojë në “Kënga Magjike”. Këtë Eneda e ka bërë të ditur me një video në Instagram ku filmon Flori Mumajesin duke pastruar parketin e studios së tij.
Eneda kishte derdhur një gotë me ujë dhe Flori teksa pastron bën edhe humor. Ndërsa Eneda e pyet a të marrë pjesë tek “Kënga Magjike” këtë javë apo ta shtyjë. Flori i thotë të flasë me të shtëpisë dhe me ndjekësit e pastaj të vendosë.
