Situata tek Arsenali nuk është aspak e qetë, pasi nga tifozët ka nisur një pakënaqësi e hapur për sa i përket perfomancës së skuadrës.
Momentalisht “topçinjtë” renditen në vendin e pestë në kampionat me 17 pikë të grumbulluara. Ekipi i drejtuar nga Unai Emery ndodhet 14 pikë larg kreut që mbahet nga Liverpooli dhe 6 pikë larg vendit të 4-t, ku ndodhet Chelsea.
Kjo situatë aspak e mirë ka lëkundur pozitat e trajnerit Unai Emery në krye të klubit londinez. Mediat në Angli raportojnë se drejtuesit po mendojnë seriozisht të bëjnë ndryshime në pankinë, teksa kandidat për të zëvendësuar spanjollin është suedezi Ljungberg, i cili momentalisht është në krye të skuadrës së të rinjve. Për momentin asgjë nuk është zyrtare, por Emery, për të shpëtuar, duhet të bëjë menjëherë kthesën në kampionat.
