Mbrojtësi i kombëtares, Marash Kumbulla, ka pësuar një dëmtim në ndeshjen e fundit të Hellas Verona.
19 vjeçari pritet të mungojë rreth 2 muaj.- bëjnë të ditura mediat italiane.
Ndërsa për këtë dëmtim, trajneri i Veronës, Juric, ka fajësuar kombëtaren “kuqezi”.
“Ka pasur probleme që nga Kombëtarja. Ne si shoqëri duhet të rrisim kujdesin ndaj këtyre gjërave. Sipas meje, është një dëmtim muskulor”, ka thënë trajneri Juriç.
Por gjithsesi kjo deklaratë duket e çuditshme, pasi aktivizimi i Kumbullës tek kombëtarja jonë, ishte në muajin tetor dhe që nga ai grumbullim, ai ka luajtur disa ndeshje me ekipin e Veronës, pa shfaqur ndonjë problem.
