Presidenti Erdogan tha se disa gjeneralë amerikanë në vend që ta falënderojnë Turqinë që sprapsi tentativën e grushtit të shtetit më 15 korrik qëndrojnë në krah të puçistëve.
Presidenti Rexhep Tajip Erdoan të premten bëri një vizitë ngushëlluese në njësinë forcave speciale të policisë në Ankara, ku gjatë tentativës për grusht shteti natën e 15 korrikut nga Organizata Terroriste Guleniste Struktura Paralele në Shtet ranë dëshmorë 50 policë.
Në fjalën që mbajti Erdoan iu përgjigj me fjalë të ashpra kritikeve që vijnë nga jashtë ndaj spastrimit që po realizohet në radhët e Forcave të Armatosura Turke pas puçit të dështuar.
Duke aluduar për Komandantin e Forcave Qendrore të Shteteve të Bashkuara të Amerikës , Joseph Votel, i cili kishte thënë “janë arrestuar disa gjeneralë me të cilët ishim në kontakt”, Presidenti Erdoan tha: “Me deklarata të tilla ata deshifrojnë veten e tyre. Komandanti gjerman me këto deklarata renditet pranë puçistëve”.
“Me këto deklarata zbuloni, deshifroni veten tuaj, se cilët janë ata që qëndrojnë prapa këtij puçi dhe kush është ‘mendja superiore’,- u shpreh Erdoan dhe vijoi me këto fjalë reagimin e tij: “Turqia nuk do të bëhet pre e një loje të tillë. Me shkatërrimet që bënë, na prenë mjekrën. Por mos harroni se mjekra që pritet bëhet më e fortë”./Trt/
