Autoritetet meksikane kanë raportuar se sasi të vogla hiri kanë rënë mbi Meksiko City, për shkak të aktivizimit të vullkanit Popocatepetl.
Zyra Kombëtare e Mbrotjes Civile njoftoi se sasia e hirit kishte rënë në zonat periferike në jug të kryeqytetit meksikan, Tlalpan dhe Xochilmilco.
Në njoftim thuhet se hiri mund të përhapet në drejtim të qendrës së kryeqytetit.
Autoritetet meksikane theksuan se nuk përjashtohet mundësia e shpërthimeve të fuqishme, që mund të rrezikojnë jetën e 25 milionë banorëve që jetojnë në një hapësirë prej 100 kilometrash larg nga krateri i vullkanit Popocatepetl.
Megjithatë, nuk ka njoftime nga ekspertët që shpërthimet mund të jenë më të fuqishme se ato që kanë ndodhur gjatë viteve të mëparshme.
Krateri i vullkanit ndodhet në 5,426 metra lartësi dhe shtrihet 72 kilometra në juglindje të kryeqytetit Meksiko City. Ky vullkan ka qenë aktiv në fillim të këtij viti, por u aktiviteti i tij u qetësua disa muaj më parë, ndërsa tani ai është aktivizuar sërish.
Paniku dhe frika ka mbërthyer banorët e kryeqytetit meksikan dhe zonave përreth vullkanit.
