Pas humbjes së Milanit ndaj Lacios, trajneri i kuqezinjve Stefano Pioli vë në dukje se arsyeja kryesore e humbjes, ishte kalendari i ndeshjeve që Milani kishte, në krahasim me skuadrat tjera.
Milani luajti të enjten mbrëma kundër SPAL, ndërsa Lazio ishte në aksion të mërkurën gjatë ndeshjeve të mes javës.
“Mendoj që luajtëm me shpirtin e duhur, duke luftuar për 95 minuta,” – tha Pioli në konferencën për shtyp.
“Ishte për të ardhur keq mënyra se si e pësuam golin. Lacio na krijoi probleme në pjesën e parë por ne i bëmë të njëjtën gjë atyre.”
“Ne ishim në kontroll dhe bëmë një gabim të madh. Arsyeja mund të jetë që gjendja jonë fizike ishte e ulët ndërsa kundërshtarët tonë me një ditë më shumë pushimi ishin më agresivë”.
“Kushdo që e bën kalendarin e ndeshjeve duhet ta respektojë Milanin më shumë”.
