Lewis Hamilton ka arritur të fitojë titullin e gjashtë kampion, pavarësisht se garën e çmimit të madh të SHBA-së, e fitoi shoku i skuadrës, Valteri Bottas, teksa i treti është renditur Verstappen.
Hamilton i nevojiteshin vetëm katër pikë në këtë garë, për tu shpallur zyrtarisht kampion.
Piloti Anglez dominoi kampionatin e F1, që nga fillimi dhe i pa shqetësuar nga asnjë rival arriti të fitonte titulli.
Tashmë Hamilton, i cili në janar do të mbushë 35-vjeç, është një vetëm një titull larg legjendës Michael Schumacher i cili numëron 7 tituj botërorë në Formula 1.
Kujtojmë që Hamilton, mban dhe rekordin e “pole position” me 87 të tilla, ndërsa i duhen vetëm 8 fitore për të barazuar rekordin e garava të fituara në histori, e cila mbahet nga Schumacher me 91 fitore.
Ndërsa në intervistën pas garës së mbrëmshme, Hamilton i pyetur për mundësinë e arritjes së rekordit të Schumacher, deklaroi që nuk mendon për kampionatet, por theksoi që ndihet akoma i freskët.
