Humbja e Manchester United në fushën e Bournemouth, i lë ata me vetëm 13 pikë në 11 ndeshje të zhvilluara.
Kjo është situata më e keqe në këtë fazë të kampionatit, që prej 33 vitesh. Hera e fundit që “djajtë e kuq” kishin më pak pikë, pas 11 ndeshjeve të para të sezonit, ishte në sezonin 1986/87, ku arritën të fitonin 11 pikë në po aq ndeshje, nën drejtimin e Ron Atkinson.
Jo vetëm që ky është starti më i keq i United në 33 vite, por ata kanë shënuar vetëm 13 gola, më të paktët të shënuar që nga sezoni 2004/05.
United momentalisht ndodhet në vendin e dhjetë, me vetëm tre fitore të arritura.
Duke folur për “BT Sport”, pas humbjes Solskjaer këmbënguli, se skuadra e tij duhet t’i fitojë ndeshje të tilla.
“Jemi të zhgënjyer por kur vjen në ndeshje si këto duhet të marrësh kontrollin e ndeshjes.Por ne nuk e bëmë këtë dhe nuk mundëm të shënonim. Ndoshta duhet të kisha aktivizuar dikush tjetër. jemi të zhgënjyer. Por duhet të shikojmë përpara.”
