Ambasadorët e SHBA-së dhe BE-së, Donald Lu dhe Romana Vlahutin, vijojnë përpjekjet për të nxitur palët politike në miratimin e 7 ligjeve mbështetëse që e bëjnë efektive reformën në drejtësi.
Për këtë qëllim, rreth orës 11:00 te dites se premte, në kryesinë e Kuvendit, ambasadorja Vlahutin është pritur nga kryeparlamentari Ilir Meta, ndërsa 30 minuta më pas ambasadori Donald Lu është takuar me kryetarin e komisionit të posaçëm për reformën në drejtësi, Fatmir Xhafaj.
Në fokus të takimeve është miratimi i 7 ligjeve mbështetëse, që e bëjnë të zbatueshme reformën kushtetutese, e miratuar me konsensus në orët e para të datës 22 korrik.
Mes këtyre ligjeve prioritet ka drafti ‘për vetingun”, një nga më të rëndësishmit e kesaj pakete ligjore, për të cilën ndërkombëtarët kanë apeluar që të shpejtohet miratimi i tij në Kuvend, menjëherë pas hyrjes në fuqi të ndryshimeve kushtetuese, që i takon pas dates 11 gusht.
