Nga Boldnews.al
Në kulmin e dështimit, në mesin e krizës politike dhe sociale, ai është në delir, nuk mban përgjegjësi dhe mbi të gjitha kërkon të nënshtrojë ende me suksese imagjinare. “Me timon pa timon, shoferi jon osht kampjon-” thotë ajo kënga e vjetër-, ndërsa këtu jam unë që i jap makinës pa prek timon me dorë…”-shkruan Rama në postimin e djeshëm në facebook.
Ai gjezdis në një makinë pa shofer, që merr komandën e drejtimit në mënyrë automatike. Dhe pikërisht kjo është ajo që dëshiron Rama, propagandë, timon, tepsi dhe çdo drejtim tjetër rrethor, që të shpie në greminë. Dhe ky “shofer”, në fundin e tij, del prej “automjetit”, shpëton vetë por gremis qytetarët në humnerën që lë pasoja.
Shqipërinë e konsideron si një makinë ku ai ulet dhe të gjitha nga pas janë gojëkyçur, pasi kanë para tabelën: “Mos i fol shoferit”. Kur reagojnë dhe protestojnë për t’i ndalur hovin nga zigzaget e rrezikshme që kryen, “kampioni” jonë, të mbyt më gaz lotsjellës, të thyen brinjët me policë Rilindje që janë betuar para pushtetit dhe të degdis në burgje.
Po ky shofer vërtetë “osht kampjon”. Ai është kampion në futjen e kriminelëve në politikë, që herë pas here zgjasin duart dhe boshatisin tepsinë. Është i paarritshëm në emërimet në drejtim të administratës të trularëve Rilindas, të paaftë, por i funksionon vetëm ajo shqisë e korrupsionit dhe mitmarrjes. Mban rekord si “kampion europe” në shitblerjen e votave, në tjetërsimin e rezultatit të zgjedhjeve dhe implikimin e kabinetit të tij drejtëpërdrejtë në shantazhimin e votuesve.
Është padyshim kampion i padiskutueshëm në kultivimin dhe trafikimin e drogës, ku gjatë qeverisjes së tij qindra tonelatë me kanabis mbytën Italinë, Greqinë apo Gjermaninë. Ka arritur një rekord personal në vitet 2016-2017 përsa i përket mbjelljes dhe trafikimit të kanabisit. Një fenomen të tillë askush nuk mund ta thyejë përveç atij vetë.
Është kampion që mbyll gojët e çdokujt që mendon ndryshe, partinë e ka kthyer në një kapanon ushtarak ku ai është gjenerali që jep urdhra dhe askush nuk duhet ta kundërshtojë. Është gjithashtu kampion në krijimin e propagandës, paraqitjen e një Shqipërie surreale dhe imagjinare, ku vetëm ai dhe tarafi i tij e besojnë këtë haluçinacion.
Mbi të gjitha “osht kampjon” në kalimin e përgjegjësisë tek tjetri. Vetëm një kampion si ai mund të akuzonte Europën si përgjëgjëse për mosmarrjen e negociatave. Vetëm një si Rama mund të bëjë përgjegjëse opozitën për qeverisjen e keqe të tij. A nuk mjaftojnë kaq për ta shpallur kampion?
