Parashikimi i motit nga Shërbimi Meteorologjik Ushtarak
Në vend, ditën e enjte parashikohet që moti të nisë i vranët. Gradualisht prej mesditës, në pjesën më të madhe të vendit do të nisin kthjellimet, përjashtuar jugun.
Reshjet e shiut fillimisht do të përfshijnë pjesën më të madhe të vendit, por prej mesditës do të përqendrohen në jug, aty ku nuk do të mungojnë shtrëngatat e shiut.
Era do të fryjë me drejtim Juglindje – Veriperëndim e lehtë e përkohësisht mesatare në bregdet, duke u shoqëruar me valëzim në dete të forcës 3-4 ballë.
Temperaturat parashikohen në:
Zonat malore 5ºC deri në 15ºC;
Zonat e ulëta 8ºC deri në 22ºC;
Zonat bregdetare 12ºC deri në 21ºC.
