Këtë sezon, Milani po kalon një formë të dobët, pas shkarkimit të Marco Giampaolos, edhe trajneri i ri nuk ka sjellë ndryshimin e kërkuar.
Stefano Pioli trajneri aktual i Milani-t, tha që skuadra, “duhet të tregohet realiste”, për mungesën e kualiteteve dhe të fokusohen më shumë te vendosmëria kundër SPAL.
“Ne duhet të jemi realistë dhe pranoj që ky nuk është moment pozitiv për ne, por ne jemi më mirë nga çfarë shfaqëm të dielën,” – tha trajneri, në konferencën e tij për shtyp, duke iu referuar humbjes 2-1 kundër Romës.
Strategu zëvendësoi Marco Giampaolo, por deri më tani ka arritur të marrë vetëm 1 pikë në 2 ndeshje.
“Është e rëndësishme t’i marrim ndeshjet një e nga një, me shpirtin e duhur luftues. Nuk jemi skuadra më e mirë në kualitete, por së paku, ne duam të jemi më të mirët në shpirtin dhe vendosmërinë që tregojmë në fushë. Nëse ndonjë ka frikë, është koha t’i mënjanojë ato. Ka shumë gjëra për t’u bërë, por nëse besojmë tek vetvetja , atëherë çdo gjë është e arritshme.”- shtoi trajneri italian.
