Së shpejti, moderatorja Arbana Osmani do të nxjerrë në treg librin e saj të ri të gatimit, megjithatë, tek Revista Ëho , Arbana nuk dha vetëm detaje nga libri . Rrëfeu dhe diçka nga jeta private , pikërisht për djalin e saj, Jonin dhe marrëdhënien e veçantë që ka me të.
Arbana thotë se ai i ka ndryshuar jetën në çdo dimension, edhe pse lodhja nuk mungon. Ajo shton se një pjesë të mirë në rritjen e tij e kanë dhe gjyshet, por nuk dihet nëse këtu përmendet nëna e ish-bashëshortit, apo gjyshja e vetë Arbanës, që ka qenë pjesë dhe e emisionit të saj vitin e kaluar.
‘Joni ka ndryshuar jetën time në çdo dimension, duke e bërë më të bukur, por edhe më të lodhshme herë pas here. Me Jonin gatimi është shumë i këndshëm, por edhe sfilitës sepse ka gishta që futen në brum, tasa që derdhen, vezë që rrihen dhe pastaj derdhen, etj. Por unë vdes të gatuaj me të, është një nga kënaqësitë më te mëdha. Joni nuk gatuan vetëm me mua, por edhe me gjyshet, kështu që dalëngadalë po trajnohet siç duhet’, ka thënë moderatorja.
