Rogerer Federer është tërhequr nga Masteri i Parisit i cili zhvillohet këtë javë.
38-vjeçari mendohet se nuk do të marrë pjesë në këtë turne, për tu përgatitur sa më mirë për ATP World Tour Finals, që do të zhvillohet në Londër muajin e ardhshëm, me tetë tenistët më të mirë të vitit 2019, raporton “BBC”.
Siç dihet për turneun e përvitshëm që do të mbahet sërish në kryeqytetin britanik janë kualifikuar Rafael Nadal, Novak Djokovic, Roger Federer, Daniil Medvedev, Dominic Thiem dhe Stefanos Tsitsipas, ndërsa shumë pranë është edhe dyshja Alexander Zverev-Matteo Berrettini.
“Jam tejet i zhgënjyer për tërheqjen time,” – tha Federer.
“Dëshiroj që të luaj sa më shumë në këtë turne. Më vjen keq për fansat e mi francez, të cilët do t’i shikoj në “Roland Garros” në 2020.”
Në “Palais Omnisports”, Roger Federer do të zëvendësohet nga veterani Italian, Andreas Seppi, që tashmë kalon direkt në turin e dytë si “lucky loser”. Në Paris këtë javë do të rikthehet Rafael Nadal, që nuk aktivizohej që nga turneu “Laver Cup”, për arsye të një dëmtimi në dorën e majtë.
Klasifikimin e përgjithshëm, Djokoviç e kryeson me vetëm 320 pikë më shumë se sa Rafa, ndërsa në renditjen e vitit 2019, ku llogariten vetëm pikët e grumbulluara gjatë këtij sezoni, Nadali numëron plot 1280 pikë më tepër se tenisti nga Serbia. Kjo do të thotë se pavarësisht rezultatit në Masterin e Parisit, është e sigurtë se Rafael Nadal do të rikthehet në majën e botës.
