Presidenti i Komisionit Europian Jean-Claude Juncker dhe përfaqësuesja e lartë e BE-së për Politikë të Jashtme, Federica Mogherini, ditën e sotme do të presin në një takim lamtumire në Bruksel, krerët e gjashtë vendeve të Ballkanit perëndimor, Shqipërisë, Kosovës, Serbisë, Malit të Zi, Maqedonisë dhe Bosnjës-Hercegovinës.
Mësohet se në këtë takim do të marrin pjesë kryeministri i vendit tonë Edi Rama, Presidenti i Kosovës, Hashim Thaçi, kryeministri i Maqedonisë Zoran Zaev, presidenti Aleksandar Vuciç, ai i Malit të Zi Millo Gjukanoviç dhe anëtarët e Kryesisë së Bosnjë e Hercegovinës Zhelko Komshiç, Millorad Dodik dhe Shefik Xhaferoviç.
Bëhet me dije se takimi do të ketë në fokus shkëmbimin e mendimeve mbi zhvillimet në rajon, zgjidhjen e sfidave dhe analizën e arritjeve gjatë mandatit të Federica Mogherinit.
Kujtojmë se pas zgjedhjeve të Parlamentit Europian që u mbajtën në maj, Juncker dhe Mogherini do të dorëzojnë detyrën e tyre.
