Një i vdekur dhe dy të plagosur rëndë është bilanci i një aksidenti të ndodhur këtë mbrëmje në aksin Lushnje–Fier. Nga aksidenti ka humbur jetën 21 vjeçari Orges Shabanaj, ndërsa Alban Doksani dhe Genci Doksani, kanë mbetur të plagosur.
“Sot rreth orës 21:30, në aksin rrugor Lushnje–Fier, në vendin e quajtur ‘Rrethrrotullimi i Kolonjës’, mjeti tip ‘DAIMLER CHRYSLER’, ka dalë nga rruga dhe si pasojë kanë ngelur të dëmtuar tre shtetas të cilët ishin pasagjer në këtë mjet. Pasi u dërguan në Spitalin e Lushnjes në gjendje të rëndë, një prej tyre ndërroi jetë dhe 2 të tjerët ndodhen në gjendje të rëndë nën kujdesin e mjekëve”, njoftoi policia.
Grupi hetimor po punon për zbardhjen e plotë të rrethanave të ngjarjes, shtuan të njëjtat burime.
