Kompanitë e sigurimeve në Shqipëri në shumicën e rasteve nuk janë aq përgjegjëse sa ato premtojnë ndaj klientëve të tyre.
Një qytetar ka denoncuar në redaksinë e JOQ ALBANIA kompaninë e sigurimeve “EUROSIG”, sipas të cilit nuk i janë përgjigjur në rast sëmundjeje.
Qytetari tregon se mamaja e tij është siguruar me kompaninë “EUROSIG” gjatë udhëtimit në Itali. Në vendin fqinj ajo është shtruar në spital, dhe për këtë arsye qytetari ka kërkuar shërbimin e kompanisë së sigurimeve.
Ai shprehet se e ka telefonuar disa herë kompaninë e sigurimeve por askush nuk përgjigjet, duke u treguar të papërgjegjshëm ndaj funksionit që ata kanë.
Qytetari ngre shqetësimin se pagesa në këtë kompani është e detyrueshme në qoftë se të duhet të udhëtosh jashtë shtetit, por më e çuditshmja është se askush nuk të përgjigjet kur vjen puna për shërbim.
Qytetari ka dërguar siguracionin e prerë dhe fletën e spitalit ku është shtruar mamaja e tij, e cila nuk po merr asnjë ndihmë nga kompania ku ajo ka siguruar shëndetin në udhëtimin.
Qytetari denoncon:
Pershendetje joq kam mamin ne spital né Itali është e siguruar me ket kompani edhe keto nuk pergjigjen as ne telefon. Ku perfundojn leket e ketyre asiguazioneve te paguar me detyrim. Edhe kur ke problem nuk te pergjigjen as në telefon. Ju lutem bani publike” /JoQ/
