Trajneri i ri i Tiranës, Julian Ahmataj, pritet të sjellë ndryshime në formacion për ndeshjen e parë në drejtim, ndaj Luftëtarit të Gjirokastrës.
Sipas “Panorama Sport”, janë të shumta ndryshimet në formacionin që mendohet se do të zbresë në fushë ndaj gjirokastritëve.
Në stol mendohet të ulen Dunga, Kale, Hasani, karabeci dhe i pezulluari Imami.
Në krahun e majtë luan Ismajlgeci, ndërsa në të djathtin aktivizohet Kristi Vangjeli. Në mesfushë ulet në stol Erando Karabeci dhe në vendin e tij luan i riu Jurgen Çelhaka. Idriz Batha konfirmohet në mesfushë, por ndryshimi është zëvendësimi i Edon Hasanit me Uinful Kobinën.
Do të jetë afrikani që do të bëjë sulmuesin e dytë, ndërkohë që shkodrani njeh stolin pas shumë kohësh. Ndryshime edhe në sulm, me Ngonë që zë vendin e Dungës. Torasa ul në stol mikun e tij, Kalenë, që ka luajtur gjatë gjithë kësaj kohe në krahun e majtë.
Në krahun e djathtë të sulmit rikthehet Grent Halili. Veç ndryshimit të pesë titullarëve në fushë, Ahmataj ka sjellë një skemë të re klasike 4-3-3.
Takimi zhvillohet sot, ora 13:00.
