Kryeministri i ardhshëm i Kosovës, Albin Kurti, ka zbardhur sot takimin e një nate më parë me kryeministrin e Shqipërisë Edi Rama, i cili zgjati plotë 5 orë.
I ftuar në Abcnews, Kurti e cilësoi takimin me Ramën si një ‘ndeshje miqësore’ e cila zgjati 5 orë dhe pati një pushim të 45 minutësh pasi në kryeministri mbërriti për vizitë dhe aktori i madh francez Gerard Depardieu.
Kurti tha se në takim me Ramën biseduan për çështje konkrete të rëndësishme që lidhin Shqipërinë me Kosovën.
I pyetur për idenë e shkëmbimit të kufijve, Kurti tha se beson se edhe Rama është kundër kësaj ideje, të paktën kështu i kishte thënë kryeministri shqiptar.
‘Është e vërtetë kishim një takim 5 orësh, një ndeshje miqësore 5 orëshe, që u ndërpre nga një pushim 45 minutash meqënëse erdhi aktori i madh francez Depardieu. Sapo iku Depardieu ne vijuam me temat e rëndësishme që janë si për Shqipërinë si për Kosovën. Kryeministri i republikës së Shqipërisë nuk e mbështet shkëmbimin e territoreve, kështu më tha Rama, dhe ashtu dua dhe duhet të besoj’, u shpreh Kurti.
