Për momentin, një nga vendet më trend në Instagram është një hapësirë e madhe në ngjyrë rozë pudër përzierë me koral. Hera-herës, për shkak të efekteve, ngjyrat janë më të forta.
Jemi në Kriporet e Nartës, në skajin jugor të ultësirës bregdetare, në afërsi të qytetit të Vlorës. Në periudhën shtator-tetor, zona është fantastike për shkak se thahet uji dhe mbetet vetëm kripa, e cila merr ngjyrën rozë. Fotografi Geljant Kaleci, në maj të këtij viti, tregoi për Anabel se Kriporet në Nartë janë një mrekulli për periudhën e vjeshtës. “Duket si diçka jashtë kësaj bote,” shtoi ai.
Interesant është iluzioni që krijohet në pjesën ku uji është më i cekët, pasi kripa ngjason me borën dhe akullin. Ndërkohë në vijim roza përzihet me një nuancë të portokalltë. /Anabel/
