Juventusit i është dhënë një nxitje financiare, pasi sponsori zyrtar i skuadrës, “Jeep”, pranoi të bëjë një rritje të rëndësishme të sponsorizimit, në 42 milionë euro në vit.
Një deklaratë në faqen zyrtare të Juventusit, konfirmon se rritja prej 25 milionë euro, erdhi si pasojë, e “arritjes së perfomancave të shkëlqyera sportive vitet e fundit nga skuadra e parë”.
“Jeep”, u bë sponsori i bluzave të Juventusit në vitin 2012, ku deri më tani, Juventus, ka arritur të fitojë shtatë herë radhazi Seria A, dhe ka arritur dy finale në ligën e kampioneve që nga koha me nënshkrimin me këtë kompani.
Marrëveshja e re, bën një kapërcim të madh nga shuma prej 17 milionë euro që “Jeep”, paguante çdo vit Juventusin.
