Pasi qeveria turke informoi “Shtëpinë e Bardhë” se do t’i bindet asaj që ai e karakterizoi si armëpushimi i përjetshëm përgjatë kufirit me Sirinë, presidenti Donald Trump ka njoftuar se SHBA do të heqë sanksionet ndaj Turqisë.
“Njoftova Sekretarin e Thesarit që të heqë të gjitha sanksionet ndaj Turqisë që u vunë në 14 tetor në përgjigje ndaj ofensivës turke në Siri. Sanksionet do të hiqen deri sa nukndodh diçka që ne nuk jemi të kënaqur,” njoftoi ai në një deklaratë në Shtëpinë e Bardhë të mërkurën.
Turmp tha gjithashtu se shpreson që armëpushimi të jetë i përhershëm dhe shtoi se kjo është një arritje ekskluzive e SHBA-së dhe se shtete të tjera thjesht kanë kontribuuar në këtë iniciativë.
Sanksionet e SHBA u vendosën javën e kaluar në përgjigje të ofensivës së fundit të Turqisë kundër luftëtarëve kurd, të cilët i konsideron si terroristë. Turqia dëshiron të krijojë një “zonë të sigurt” të thellë 30 km (20 milje) përgjatë anës siriane të kufirit.
Ofensiva e Turqisë filloi pas vendimit të papritur të Presidentit Trump për tërheqjen e trupave amerikane nga Siria veriore në fillim të këtij muaji.
— Donald J. Trump (@realDonaldTrump) October 23, 2019
