Mbeten në burg 3 personat e dyshuar për atentatin ndaj pronarit të një lavazhi në Berat për shkak të një borxhi të papaguar
Vladimir dhe Xhoni Spahiu, përkatësisht 52 dhe 25-vjeç babë e bir dhe Petrit Qypi, 66-vjeç, do të qëndrojnë në arrest me burg deri në përfundim të hetimit.
Prokurori Dritan Gripshi i ka kërkuar gjykatës vlerësimin “të ligjshëm” të arrestimit të tyre dhe ka kërkuar për të tre të dyshuarit masën e sigurisë “arrest me burg”.
Pasi ka dëgjuar edhe avokatët e palëve, gjyqtarja Adelajda Gjuzi e ka vlerësuar “të ligjshëm” arrestimin e tyre dhe ka vendosur për të tre autorët Vladimir Spahiu, Xhoni Spahiu dhe Petrit Qypi, masën e sigurisë “arrest me burg”.
