Ish -kryeministri Sali Berisha ka komentuar qëndrimin e LSI- në në krah të opozitës duke mos mohuar – ja dhe LSI-ja kanë një traditë të mirë bashkëpunimi.
Berisha thotë se kundërshtitë e opozitës për Reformën në Drejtësi nuk ishin për të mbrojtur një grusht njerëzish të Partisë Demokratike, sikundër ka deklaruar kryeministri Rama, por qëndresë për parimet themelore kushtetuese.
Berisha thotë se konsnesusi i reformës u imponua nga opozita, ndërsa humbësi shprehet ai, ishte kryeministri Rama.
Rreshtimin e Kryetarit të Kuvendit Ilir Meta krah opozitës në këtë proces, Berisha e sheh si një zhvillim që kontribuoi në arritjen e konsensusit, pa mohuar një traditë bashkëpunimi, që Partia Demokratike ka patur me aleatin e saj të vjetër, Lëvizjen Socialiste për Integrim.
“Bashkëpunimi i PD -së me LSI -në varet nga rezultatet elektorale dhe shumë faktorë të tjerë, por nuk mund ta mohoj që këto dy parti kanë një traditë bashkëpunimi”, tha ish -kryeministri në një intervistë për Tv Klan.
Për herë të parë ishkryeministri Berisha komenton edhe pozicionimin e disa deputetëve të opozitës pro Reformës pavarësisht vendimit të grupit.
