Mesfushori i Arsenalit, Granit Xhaka, ka reaguar ndaj komenteve të ashpra të bëra nga Patrice Evra ditën e djeshme.
Ish- mbrojtësi anësor i United, komentoi pas humbjes së Arsenalit me Sheffield United, duke thënë:
“Që para 10 viteve i konsideroja lojtarët e Arsenalit si “bebet” e mia , dhe kur i shikoj dhe tani ata akoma mbeten “bebe”. Kjo është e vërteta, nuk po tregoj mungesë respekti kur e them këtë.”
“Ata duken bukur, por nuk duken si skuadër fituese. Ata pëlqejnë të luajnë futboll të bukur, por unë isha i lumtur të luaja kundër tyre, sepse e dija që do të fitonim”.
I pyetur specifikisht rreth komenteve të Evra, Xhaka u përgjigj:
“Shumë njerëz flasin shumë”. Kam shumë respekt për të, pasi ka qenë një lojtar i mrekullueshëm, por duhet pasur kujdes në atë çfarë thua”.
“Për mua është e çuditshme pasi ata ( ish-futbollistët) kanë qenë në të njëjtën situatë si ne – ndonjëherë situata është e mirë, ndonjëherë jo.”
“Nëse flet budallallëqe si këto çdo javë, atëherë respekti humbet”.
