Juventusi rikthehet të luajë në shtëpi,ku do të përballet me Rusët e Lokomotivës së Moskës, ndeshje kjo e vlefshme për fazën e grupeve të javës së tretë në “Champions League”.
Së fundmi, bardhezinjtë gëzojnë një formë mjaft të mirë, dhe duket sikur skuadra dhe trajneri Sarri, po arrijnë të mesmen e artë midis tyre.
Sipas mediave Italiane, ambienti në skuadrën e Juventus, është shumë pozitiv dhe optimist.
Juventusi ndodhet në kuotën e 4 pikëve, së bashku me Atleticon e Madritit, por ruajnë kreun e renditjes falë diferencës së golave, dhe do të kërkojnë të konsolidojnë këtë pozicion, duke arritur një fitore përballë Rusëve.
Për sa i përket Lokomotivës së Moskës, duhet theksuar që vijnë në këtë ndeshje me disa mungesa dhe ndodhen në vendin e tretë, duke fituar një ndeshje dhe humbur tjetrën.
Ndeshja zhvillohet mbrëmjen e sotme, ora 21:00.
