Presidenti Donald Trump ka thënë gjatë një deklarate për fushtaën e tij të zhvilluar në Luisiana se amerikanët nëse duan të blejnë ushqime në marketet e vendit, duhet të tregojnë kartën e tyre të identitetit.
“Ju e dini, nëse doni të dilni dhe të blini sende ushqimore, keni nevojë për një mjet identifikimi. Për gjithçka që doni të bëni, ju nevojitet një mjet identifikimi. E vetmja gjë për të cilën nuk keni nevojë për identifikim është të votoni, gjëja më e rëndësishme që në po bëjmë për ju, për të mos ju penguar të drejtën qytetare për të votuar “, tha Trump gjatë fushatës së tij.
Mashtrimi i votuesve është jashtëzakonisht i rrallë dhe nuk ka asnjë dëshmi të mashtrimit masiv nga demokratët.
Deklarata e Trumpit në Luiziana, nuk ishte hera e parë që Trump pretendoi se amerikanët kanë nevojë për identifikim për blerjet e tyre ushqimore. Ai tha të njëjtën gjë në një fushatë në Florida në korrik të 2018.
Një ditë pas fushatës në Florida, sekretarja e tij e shtypit e atëhershme, Sarah Sanders u tha gazetarëve se Trump po i referohej blerjeve të “birrës ose verës”. Por tre muaj pas kësaj, Trump i tha konservatorit Daily Caller se mjeti i identifikimit do të kërkohet “nëse blini qoftë edhe një kuti me drithëra”.
Momentalisht dyqanet ushqimore kërkojnë identifikim për blerjen e alkoolit dhe duhanit (për prova se klientët janë në moshë legale), blerjen e ilaçeve të caktuara dhe kur klientët paguajnë me çek.
