Kreu i opozitës Lulzim Basha dhe kryeministri Edi Rama vijojnë ;luftën’ në rrjet me njëri-tjetrin, duke shkëputur copëza deklaratash nga liderët e BE, pas mos hapjes së negociatave.
Më herët kryeministri Edi Rama postonte në Facebook një deklaratë të kancelares Merkel ku shkruante se Gjermania është pro Shqipërisë.
Ndërkohë që në reagimin e tij Basha ka publikuar deklarata e Merkel, Macreon, Tusk dhe Conte, për t’i treguar Ramës se të gjithë liderët europianë janë pro Shqipërisë, por ajo që e ndan vendin tonë nga BE është vetëm një njeri.
Basha thekson se liderët europianë e duan Shqipërinë por nuk pranojnë dot Ramën.
Ja postimi i Bashës:
Ne mbështesim 100% qëndrimet e liderëve të BE. Shqipëria e meriton hapjen e negociatave. Shqipëria meriton më të mirën. Për fat të keq ka një njeri që e pengon këtë rrugë. Ata duan ta pranojnë Shqipërinë, por në mënyrë të përsëritur ata refuzojnë Ramën.
