Scotty Bowers ka qenë një prej zhigolove më të njohur që shkonte me yjet e Hollivudit. Ai ka ndërruar jetë në moshën 96-vjeçare, por njihet për historinë e tij, teksa qëndronte gjithmonë pas emrave më të njohur të yjeve të Hollivudit. Ndoshta shumë njerëz nuk e njohin sot, por mediat e huaja i kanë kushtuar artikujt të gjatë ku kanë treguar jetën e tij.
Ndër emrat më të njohur të Hollivudit që kanë pasur marrëdhënie me këtë zhigolo kanë qenë: Katharine Hepburn, Rock Hudson, Lana Turner, Ava Gardner, Cary Grant. Përveç këtyre artikujve të gjatë e domethënës, është realizuar edhe një dokumentar nga regjisori Matt Tyrnauer për historinë e tij, “Scotty and the Secret History of Hollywood” (2017), ku në fakt është bazuar në librin me kujtime të Bowers,“Full Service: My Adventures in Hollywood and the Secret Sex Lives of the Stars” (2012).
Në libër tregohet edhe jeta e tij sesi nisi jetën në marinën amerikane, e më pas punoi nën një pikë karburanti, ku edhe takohet me aktorin Walter Pidgeon, i cili pasi mbush makinën me karburant, i ofroi Scotty 20 dollarë më tepër.
Më pas e ftoi në shtëpi zhigolon ku në atë kohë ishte vetëm 23-vjeçar. E nga ky moment nis edhe historia e tij si zhigolo, që nuk kishte marrëdhënie intime vetëm me gra por edhe me burra.
