Ish-sulmuesi i Interit, Zlatan Ibrahimovich mund të rikthehet në Itali, pasi kontrata e tij me LA Galaxy në kampionatin Amerikan është drejt skadimit. – bën të ditur gazeta milaneze “Gazzetta dello Sport.”
Raportimet detajojnë faktet që sulmuesi 38 vjeçar dhe bashkëshortja e tij, Helena, e pëlqejnë shumë jetesën në Itali dhe për më tepër kanë një shtëpi në Milano, qyteti i tyre i preferuar në shtetin Italian.
Lojtari gjithashtu ka shprehur interes, për të punuar me trajnerin Antonio Conte, ku të dy njihen për etikën e lartë të punës.
Për më tepër, Interi mund të shfrytëzojë Ibrahimovich, pasi kanë mungesa në repartin ofensiv. Nga ana tjetër, një avantazh i nënshkrimit me Suedezin, do të ishte dhe fakti që do të mund të ndalonin rivalët e Napolit për të nënshkruar me të. – shton më tej raportimi i gazetës milaneze.
Ibrahimovich është i lirë të zgjedhë ekipin e tij të ri, që me hapjen e merkatos së janarit, pasi kontrata e tij skadon në muajin dhjetor.
