Mbi 300 mijë qytetarë pushtuan sheshin “San Giovanni” të Romës në mitingun e partive të djathta në Itali, ku ju është bashkuar dhe Matteo Salvini vetëm dy muaj pas dorëheqjes nga Partia “Lidhja”.
Në manifestin e zhvilluar pasditen e sotme, lideri i Partisë ‘Forza Italia’, Silvio Berlusconi mbi podiumin e partisë ‘Lidhja’ u shpreh se ‘e djathta italiane do të vijë së shpejti në qeverisje’.
Për ish-ministrin e Brendshëm Matteo Salvini qeveria e sotme italiane i ka duart e lara me gjak.
Sipas tij qeveria e tanishme i ka dorëzuar emigrantët në duart e skafistëve.
Lideri i Lidhjes deklaroi se e djathta italiane do të vijë së shpejti në qeverisje e se lideri i qeverisë e i shtetit duhet të zgjidhet me votën e lirë të italianëve.
‘Nëse do duhet për atdheun tim jap dhe jetën’, tha gjatë fjalimit të tij Matteo Salvini.
Por ajo që bie në sy gjatë manifestimit madhështor, nën moton “Krenaria italiane”, është edhe flamuri shqiptar.
E djathta italiane, por edhe vetë Matteo Salvini ka shumë mbështetës edhe mes shqiptarëve në Itali por edhe mes atyre në Shqipëri.
