Është mbyllur dhe java e tetë e Kategorisë Superiore me dy supersfidat e luajtura mbrëmjen e sotme Vllaznia-Partizani dhe Skënderbeu-Kukësi.
Të kuqtë e kryeqytetit kanë arritur të fitojnë me rezultatin 1-3 përballë Vllaznisë në “Loro Boriçi” me dy gola që erdhën në fundin e takimit. Fraksioni i parë i lojës u mbyll në barazim 1-1, ku fillimisht ishte William i cili kaloi Partizanin në avantazh por pas katër minutash Ardit Krymi do të barazonte për shkodranët. Ndërsa në minutat shtesë të fraksionit të dytë lojë do të vinte fitorja për “Demat”. Goli i Çinarit në minutën e ’92 dhe i Asanit në minutën e ’91 bënë që Partizani të kthehej me tre pikë në Tiranë.
Në sfidën e luajtur në Korçë, mes Skënderbeut dhe Kukësit gjithçka është mbyllur në barazim pa gola. Skënderbeu ka qenë më dominues me Kukësin që ende nuk po e gjen veten si një pretetndent kryesor për të fituar titullin kampion.
Më herët u luajtën sfidat Tirana-Laçi 2-1, Luftëtari-Bylisi 1-1 dhe ditën e djeshme Teuta-Flamurtari 1-0.
Renditja pas kësaj jave:
Golat në sfidën Vllaznia-Partizani 1-3:
